A xornada está organizada polo Concello de Cerdido en colaboración coa asociación Albar Quercus
- As actividades comezarán ás 17 horas con teatro, chocolate con churros, sorteos e música en vivo
Cerdido, 17 de novembro de 2023. O Concello de Cerdido celebra a Festa do Maior o vindeiro sábado, 25 de novembro, na Área Recreativa O Castro.
A xornada está organizada pola Administración local el colaboración coa Asociación Albar Quercus.
As actividades darán comezo ás 17 horas coa representación da obra de teatro “O boleto premiado”; ás 18 horas repartirase chocolate con churros para todas as persoas asistentes e incluiranse unha serie de sorteos. Finalmente, a partir das 19 horas haberá música en vivo a cargo do “Trío Tangos”.
Desde o Concello de Cerdido e a asociación local Albar Quercus queren convidar á veciñanza a formar parte desta xuntanza, para facer desta Festa do Maior “un encontro para recordar sempre”.